Oiartzungo mendietan, badabil euskal gogoa

iraila 16, 2020 gureberriak Bestelakoak Iruzkinak desaktibatuta daude

Beloagako gaztelua Oiartzunen dago, Gurutze auzoan. Leku estrategikoa da: handik ederki ikusten dira Hondarribi aldea eta Donostia aldea, besteak beste. Nafarroako Erresumako ezin konta ahal gazteluetako bat izan zen Beloagakoa, eta Herriexistentziak martxa bat antolatu zuen aurreko astean gaztelura, 500 urteren ondoren baskoien herriak “bizirik irauteko, gertatutakoa oroitzeko eta egoera iraultzeko gogoa” duela adierazteko. Ariketa ezin hobea herriaren memoria kolektiboa berritzeko.

Bideo honetan, egun hartan Beloagako gazteluari buruz Joxe Mari Iturriotzek emandako azalpenak entzungo dituzu.

Esteka honetan, berriz, Herriexistentziaren gunetik hartutako kronika duzu, Iñaki Idigoras adiskideak idatzia:

Hemen duzue Beloaga gaztelura egindako martxaren kronika, @InakiIdigoras en eskutik.https://t.co/JsiiYpzaXW pic.twitter.com/8JRX5Z35cm

— Herriexistentzia (@Herriexistentzi) September 10, 2020

Ez galdu Beloagako gaztelua bisitatu eta zure herriaren historia ezagutzeko aukera; ez zaizu damutuko.

Argazkia: Karlos Aizpurua Etxarte

Argazkia: Gureberriak

portada

About gureberriak 388 Articles

Gure Berriak Euskal Herriaren independentziaren aldeko komunikabide bat duzue: herri gisa autoestimua indartu eta sendotzen laguntzeko tresna izan nahi duen komunikabidea; egunerokoan jasaten dugun kutsadura ideologikoaren aurkako sendagaia. Menpekotasunean dirauen herri baten seme-alabak gara, eta egoera horrek ezinbestean eragina du bizitzako arlo guztietan. Munduko beste edozein herriren antzera, eguneroko berriak ikuspegi propio batetik lantzea ezinbestekotzat daukagu. Guztiok politikarekin ezinbestean dugun lotura kontuan hartuz eta askatasun egarriak bultzatuta, webgunean topatuko duzuen material oro independentziarantz zuzendutako begiradapean jorratzea dugu helburu. .