Azaroaren 5ean, Oliber Foix historian adituak hitzaldia egin zuen Galdakaon. Hitzaldiaren izenburua “824-2024 Eneko Aritza eta estatu baten sendotzea: testuingurua eta ondorioak” izan zen, eta antolatzaileek horrelaxe laburtu zituzten hitzaldiaren nondik norakoak:
“Aurten, 1200 urte bete dira Eneko Aritza nafarren errege izendatu zutenetik, eta, inork gutxik gogoratu eta gogorarazi badu ere, lau haizetara zabaldu beharreko ospakizuna izan beharko luke euskaldunontzat gertakari hark. Zergatik? Ba al du horrek garrantzirik egun? Horiek dira, hain zuzen ere, Oliber Foixek bere hitzaldian erantzun dituen galderetako batzuk, beste hainbesteren artean”
Gureberriak-ek hitzaldiaren grabazioa lortu du eta interesgarritzat jo du hura zabaltzea.
