Hemen da berriz Euskal Herria Zuzenean festibala (EHZ). Aste hondarrean izanen da, uztailak 1, 2 eta 3, Irisarrin (Nafarroa Beherea). Ohi bezala, egitarau zabala apailatu dute: kontzertu andana bat, antzerkia, film laburren emanaldia eta bertze izanen da. Bortz gunetan iraganen dira horiek guziak.
Bertzeak bertze, Delirium Tremens taldea ikusteko parada ukanen dugu, aspaldiko partez. 1991n desegin zen taldea, baina berriz elkartu dira taldekideak, 30 urte iragan eta, eta disko bat egin berri dute. Bizpahiru kontzertu emanak dituzte jadaneko, eta Iñigo Muguruza zenaren lekua Haritz Harregi gitarra-jotzaileak hartu du taldean.
Baina sortu dira beste talde batzuk ere azken urteetan Euskal Herrian, eta Irisarrin izanen dira haietako zenbait (Lumi, Ibil Bedi, Bulego, Frikun…), baita bertze musika-talde anitz ere, hemengo eta hango. Ikus informazio guzia hemen: https://www.ehz.eus/eu/.
